Reshjet e dendura te shiut me intensitet të lartë kanë krijuar probleme në Lezhë. Vërshimi i ujerave solli përmbytje në blloqet e banimit “11 janari” dhe 11.2 hektarë të lagjes “Besëlidhja”
Niveli u ujit arriti deri ne 30 centimetër duke bllokuar hyrjen e disa pallateve, si dhe u krijua vështirësi në lëvizje për këmbësoret dhe automjetet në këto blloqe banimi.
Situata e krijuar vuri menjëherë në lëvizje Drejtorinë e Shërbimeve Publike në Bashkinë Lezhë. Punëtorët e shërbimeve ndërhynë në largimin e inerteve nga pusetat me qëllim evadimin e shpejtë të ujërave.
Kjo është një situatë e vazhdueshme në Lezhë kur ka reshje të dendura shiu, pasi kanalizimet nëntokësore nuk e përballojnë nivelin e prurjeve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
