Një ngjarje e rëndë ka ndodhur në Orikum të Vlorës, ku burri ka dhunuar për vdekje gruan dhe më pas ka vrarë veten.
Sipas informacioneve paraprake, 50-vjeçari i identifikuar si Llogara Xhebro, dyshohet se ka dhunuar bashkëshorten e tij, 45-vjeçaren Sose Xhebro, ku për pasojë kjo e fundit ka humbur jetën.
Pas krimit 50-vjeçari i ka dhënë fund jetës së tij duke u vetvrarë me armë zjarri.
Ende nuk dihen motivet e kësaj ngjarjeje tragjike, ndërsa policia ka mbërritur në vendin e ngjarjes dhe po punon për zbardhjen e plotë të rrethanave.
Në njoftimin e policisë thuhet:
"Sot, rreth orës 13:30, është marrë njoftim nga urgjenca mjekësore se një shtetase, në Orikum, është gjetur pa shenja jete dhe me shenja dhune në banesë.
Nga veprimet e para hetimore dyshohet se shtetasja S. Xh., 40 vjeçe, është vrarë nga bashkëshorti i saj, shtetasi Ll. Xh., 50 vjeç. Pas kontrolleve të ushtruara nga shërbimet e Policisë në zonën përreth kësaj banese, në garazh është gjetur dyshohet i vetëvrarë me armë zjarri autori i kësaj ngjarjeje, shtetasi Ll. Xh.
Arma pistoletë e gjetur në vendngjarje u sekuestrua në cilësinë e provës materiale. Grupi hetimor, nën drejtimin e Prokurorisë, vijon punën për dokumentimin e plotë të rrethanave të kësaj ngjarjeje".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
