Një i ri shqiptar i moshës 17-vjeçare, ka humbur jetën si pasojë e një zjarri të rënë në një qendër pritëse për të huajt, Santa Caterina di Pasian di Prato, në Udine, të Italisë.
Zjarri ra gjatë natës mes të premtes dhe të shtunës, ku krahas shqiptarit u plagosën edhe dy djem të tjerë 16-vjeçar.
Mediat italiane raportojnë se viktima është një i mitur shqiptar i cili ishte në qendër prej një viti.
Ndërkohë që i riu tjetër i plagosur dhe i dërguar në spitalin e Veronas, në gjendje shumë të rëndë, është i kombësisë ganeze.
I plagosuri i dytë kombësia e të cilit nuk bëhet e ditur, nuk është në gjendje të rëndë dhe ndodhet i shtruar në spitalin Santa Maria della Misericordia në Udine.
Lidhur me shkaqet e ngjarjes hetimet janë në vijim nga ana e autoriteteve italiane për të hedhur dritë mbi gjithë sa ka ndodhur.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
