Sekuestrohen lëndë narkotike kokainë e kanabis, armë gjahu, radio marrëse-dhënëse, armë të ftohta si dhe vlera monetare të dyshuara të përftuara nga shitja e lëndëve narkotike, duke bërë që dy persona të vihen në pranga në Mirditë.
Si rezultat i hetimeve intensive dhe kontrolleve të shtuara, shërbimet e Komisariatit të Policisë Mirditë, në kuadër të megaoperacionit policor antidrogë, të koduar “Tempulli”, në bashkëpunim edhe me Seksionin e Hetimit të Narkotikëve në DVP Lezhë, kanë goditur një tjetër rast të veprimtarisë kriminale në fushën e narkotikëve.
Si rezultat, u arrestuan në flagrancë shtetasit A. Ll. 49 vjeç dhe A. D. 22 vjeç, banues në Rrëshen, pasi në bashkëpunim me njëri-tjetrin dyshohet se kryenin veprimtarinë kriminale të shpërndarjes dhe shitjes së lëndëve narkotike kokainë dhe kanabis në doza.
Gjatë kontrollit të ushtruar 49-vjeçarit iu gjetën dhe sekuestruan në cilësinë e provës materiale sasi lënde narkotike kokainë dhe kanabis sativa, armë të ftohta dy thika, 1 radio marrëse-dhënëse, 1 armë gjahu, një sasi vlerë monetare në euro dhe lekë, të dyshuara të përftuara nga veprimtaria kriminale e shitjes së lëndës narkotike, si dhe automjete e aparatë celularë.
Ndërsa gjatë kontrollit fizik të ushtruar ndaj 22-vjeçarit, iu gjet një sasi lënde narkotike kokainë, e cila u sekuestrua në cilësinë e provës materiale.
Vijojnë puna intensive hetimore operacionale për goditjen e rasteve të tjera dhe identifikimin e arrestimin e personave të përfshirë në këtë veprimtari kriminale.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
