Një protestë organizuar nga gratë protestuese të Unazës së Re, nisi këtë mëngjes kundër ambasadorit të OSBE në Tiranë Bernd Borchardt. Kanë qenë gratë e Astirit ato që kanë pritur me pankarta ambasadorin e OSBE-së, teksa ai ishte duke u futur në ambientet e hotelit ku po mbahej konferenca mbi Reformën Zgjedhore.
“Borchardt, shame on you”, “Dinjiteti ynë është më i rëndësishëm sesa gishti i Borchardt”, kanë qenë disa nga pankartat dhe thirrjet e përdorura nga ana e protestuesve.
“Ne kemi pasur hallet dhe problemet tona, për të drejtën e shtëpisë.Ai ka sha veten, dhe nuk duhet të qëndrojë më në Shqipëri”, shprehen protestueset e Astirit.
Kjo protestë vjen vetëm disa ditë pasi Borchard bëri gjestin e turpshën duke u treguar gishtin e mesit protestuesve të Astirit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
