Ushtria izraelite ka thënë se ka kryer sulme parandaluese kundër milicisë me bazë në Liban, pasi arriti në përfundimin se një sulm nga Hezbollahu ishte i pashmangshëm.
Rreth 100 avionë luftarakë të Forcave Ajrore izraelite, të drejtuar nga inteligjenca IDF, thuhet se shkatërruan mijëra raketahedhës të Hezbollahut në Libanin jugor.
Grupi paraushtarak islamik më pas gjuajti qindra raketa drejt Izraelit për t'u hakmarrë për vdekjen e komandantit të tij të lartë, Fouad Shukr, i cili u vra në një sulm ajror në Bejrut muajin e kaluar.
“Ajo që ndodhi sot nuk është fundi i historisë”, tha Netanyahu në një mbledhje të qeverisë të dielën.
“Ne po godasim Hezbollahun me goditje dërrmuese befasuese. Tre javë më parë, ne eliminuam shefin e shtabit të saj [Fuad Shukr] dhe sot ia prishëm planin e sulmit”, tha ai.
Raporte të shumta mediatike treguan se inteligjenca amerikane kishte ndihmuar në pengimin e sulmit të Hezbollahut, por Uashingtoni nuk ishte i përfshirë drejtpërdrejt në operacionin izraelit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
