Sali Berisha do të jetë sot në Pogradec, për takimin e radhës me bazën. Një nga mbështetësit dhe organizatorët e foltores së radhës, Edmond Spaho, tha për studion e lajmeve në MCN TV se parashikohet një pjesëmarrje e madhe.
Do të ketë një pjesëmarrje të madhe. Ka entuziazëm në bashkinë e Pogradecit dhe përtej saj.
Lidhur me deklaratën e Bashës se PD nuk do të bëhet mburojë e askujt, Spaho tha se atij nuk i shkon një deklaratë e tillë, pasi është produkt i Berishës.
Ish-nënkryetari i PD-së tha më tej se Basha tjetër gjë thotë në publik dhe tjetër në rrethe të ngushta në lidhje me çështjen e Berishës. Sipas Spahos, kjo vjen nga fakti që Basha e ka kuptuar gabimin, sidomos pasi u gjet përballë një mbështetjeje të madhe që Berisha siguroi në bazë.
Edhe sot, në rrethe të ngushta justifikohet se nuk e kemi përjashtuar por e kemi pezulluar deri në vendimin e gjykatës. Ndryshe thotë, e ndryshe vepron. Deklaratat e tij nuk përfaqësojnë mendimin e shumicës dërrmuese të PD-së. Berisha është lideri historik i kësaj partie, njeri me integritet që nën drejtim e tij kemi fituar 4 palë zgjedhje, por edhe ka dhënë dorëheqjen pas humbjes.
Basha tani po e kupton gabimin e rëndë që ka bërë pasi e sheh se pjesa më e madhe e PD është rreshtuar me Berishën.
Lidhur me zgjedhjet e njoftuara nga Basha për FRPD dhe LGI, Spaho tha se ato nuk rregullohen me statut dhe çdo vendim i Bashës lidhur me to është i paligjshëm.
Janë organizata partnere dhe funksionimi i tyre nuk rregullohet me statut. Ndërhyrja nga ana e partisë është e papranueshme, aq më tepër me një vendim personal të Bashës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
