Hoxha: Ramës nuk i duhen më bandat për të fituar. PD me listën e vjetër si Edi Reja  

<p>Gazetari Artan Hoxha thotë se zgjedhjet e radhës nuk do të sjellin asgjë të re. Sipas tij, socialistët e kanë të sigurt një fitore tjetër, madje edhe pa ndihmën e bandave.</p> <blockquote> <p><em>Kemi dy banda të shpartalluara që po mundohen të organizohen. Kemi një bandë të tretë që ca i ka në burg, ca në kërkim dhe pastaj banda e madhe që drejton vendin. Duke qenë se e ka vënë nën kontroll territorin nuk duket se ka ndonjë që do t’i krijojë problem. </em></p> <p><em>Edhe lista e PD për krerët e qarqeve ishte dëshpëruese. Më duket si në kohën e trajnerit Reja, që mbetej gjithmonë lista e vjetër. Në zgjedhje diskutohet thjesht sa do të jetë diferenca. </em></p> <p><em>Me sistemin që kemi krijuar edhe bandat janë vënë nën trysni. Më kujtohet një batutë e një personazhi që tha se me këtë formë po ndjekin këta, duke na çuar në Dubai e duke na shpallur në kërkim, po i fitoi zgjedhjet do na kalbë në burg. Pra në këtë moment, këtij nuk i duhen as bandat. </em></p> <p><em>Cila bandë do të shkojë e të investohet? Ata e nuhasin para të tjerëve kush vjen në pushtet. Ata mendojnë tani ishalla kanë nevojë për ne. Ata sot janë investitorë, po ndërtojnë, marrin fonde nga buxheti I shtetit. Janë bërë biznesmenë. Ata thonë jemi gati, na përdorni. Sepse nuk ka kundërshtarë. </em></p> </blockquote>