Irani po përgatitet të dërgojë rreth 1,000 armë shtesë, duke përfshirë raketa balistike me rreze të shkurtër tokë-tokë dhe më shumë drone sulmues në Rusi, për t’i përdorur në luftën e saj kundër Ukrainës, thanë për CNN zyrtarë nga një vend perëndimor që monitoron nga afër programin e armëve të Iranit.
Dërgesa po monitorohet nga afër, sepse do të ishte rasti i parë i dërgimit të raketave të avancuara me precizion të drejtuar nga Irani në Rusi, gjë që mund t'i japë Kremlinit një shtysë të konsiderueshme në fushën e betejës.
Dërgesa e fundit e armëve nga Irani në Rusi përfshinte rreth 450 dronë, thanë zyrtarët, të cilët rusët i kanë përdorur tashmë për efekt vdekjeprurës në Ukrainë. Zyrtarët ukrainas thanë javën e kaluar se ata kanë rrëzuar më shumë se 300 drone iraniane.
Kjo dërgesë e re e pritshme do të shënonte një rritje të konsiderueshme të mbështetjes iraniane për përpjekjet luftarake të Rusisë. Ndërsa koha e saktë se kur do të arrijë dërgesa në Rusi është e paqartë, zyrtarët besojnë se armët do të dorëzohen patjetër përpara fundit të vitit.
Dronët kanë luajtur një rol të rëndësishëm në konflikt që kur Rusia nisi pushtimin e saj në shkallë të plotë të Ukrainës në fund të shkurtit, por përdorimi i tyre është rritur që nga vera, kohë kur SHBA dhe Kievi deklaruan se Moska bleu dronë nga Irani. Javët e fundit dronët iranianë janë përdorur për të synuar infrastrukturën kritike të energjisë në Ukrainë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
