LSI zyrtarisht në garën elektorale të 18 qershorit, por jo në atë të Kavajës (VIDEO)

Lëvizja Socialiste për Integrim zyrtarisht merr pjesë në zgjedhjet e përgjithshme parlamentare të 18 qershorit 2017.

Komisioni Qendror i Zgjedhjeve në mbledhjen e kësaj të mërkure miratoi kërkesën e LSI-së për të qenë subjekt politik në garën elektorale për Kuvendin e ri të Shqipërisë.

Tashmë LSI është një subjekt politik që do të garojë për zgjedhjet parlamentare, ndërsa partitë opozitare nuk kanë vendosur ende. 

Afati për regjistrimin e partive në KQZ është 18 prilli. 

Por Lëvizja Socialiste për Integrim, nuk do të ketë kandidat në zgjedhjet për Bashkinë e Kavajës.

Burime pranë LSI thanë për “Panorama” se në LSI nuk ka kandidat për zgjedhjet e datës 7 maj.