Qeveria gjermane njoftoi se kishte thirrur ambasadorin kinez në Berlin pas një sulmi kibernetik në vitin 2021 kundër Zyrës Federale të Hartografisë dhe Gjeodezisë.
“Pas një analize të thellë, inteligjenca gjermane ka arritur në përfundimin se sulmi kibernetik mund t’i atribuohet aktorëve shtetërorë kinezë,” u tha gazetarëve zëdhënësi i Ministrisë së Jashtme gjermane Sebastian, duke shtuar se Berlini e dënoi ashpër veprimin.
Sulmi kibernetik ndodhi në vitin 2021, por rezultatet e hetimeve u shpallën vetëm sot.
“Sipas hetimit të inteligjencës, autorët kinezë të këtij sulmi kibernetik depërtuan në rrjetin e Zyrës Federale për Hartografi dhe Gjeodezi për qëllime spiunazhi”, deklaroi Ministria e Brendshme gjermane në një njoftim për shtyp.
“Ky veprim serioz kundër një agjencie federale dëshmon se sa i madh është rreziku i sulmeve kibernetike dhe spiunazhit kinez”, tha ministrja e Brendshme gjermane Nancy Faeser, cituar në njoftimin për shtyp.
Zyra Federale e Hartave është ofruesi qendror i shërbimit të qeverisë gjermane për të dhënat topografike, hartografinë dhe sistemet e referencës gjeodezike.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
