Në autostradën Lushnje - Fier, është mbyllur përgjithmonë kalimi përmes pikës së njohur me emrin ‘Pushimi i shoferit’. ARRSH ka vendosur barrierat metalike duke ndërprerë kalimin mes për mes autostradës si për automjetet ashtu edhe për këmbësorët.
Drejtuesit e automjeteve të zonave Krutje, Këmishtaj e Divjakë si edhe banorë të zonës kanë kundërshtuar këtë vendim me arsyetimin se u shtohet kosto e rrugës.
Automjetet duhet të bëjnë me detyrim kalimin në rreth rrotullimin e Kolonjës për të shkuar në fshatrat e bashkisë Lushnje, ndërsa për të shkuar në fshatrat e bashkisë Divjakë duhet të shkojnë në rreth rrotullimin e Savrës.
Drejtoria e qarkullimit rrugor në Fier informon se arsyeja e mbylljes së kësaj pike bëhet për shkak të numrit të lartë të aksidenteve me vdekje. Pas zonës së pushimit të shoferit do të mbyllet edhe pika e Vajkanit në autostradë.
Megjithëse përgjatë autostradës janë ndërtuar 5 mbikalime hekuri përsëri kapërcimi i barrierave ndarëse bëhet nga këmbësorët edhe në rastet kur janë të ngarkuar. Mbikalimi është 5 metër larg dhe banorët nuk e përdorin duke kaluar mbi trafikndarëset.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
