Unioni i Gazetarëve Shqiptarë ndau sot çmimet për fituesit e konkursit ‘Vangjush Gambeta’ 2021 për gazetarët e ekonomisë.
Çmimi “Reporteri i vitit iu dha gazetarit Klodjan Tomorri, gazetar i ekonomisë në MCN TV.
Në motivacionin e Unionit të Gazetarëve Shqiptarë, personifikohet Tomorri, si gazetar i këmbënguljes dhe kurajës së lartë profesionale.
Përmes raportimit të tij për cështjet ekonomike dhe financiare dhe buxhetin publik, ka shkaktuar rritjen e ndjeshmërisë publike dhe institucionale, thuhet në arsyetimin e çmimit.
Çmimet e dhëna sot ishin, dy çmime për karrierën dhënë gazetares Ilva Tare dhe gazetarit Seladin Xhezairi.
Çmimi “Raportimi më i mirë i vitit”, iu dha gazetares Jerola Zijai.
Çmimi “Ismet Bellova” iu dha gazetarit Kostandin Grillo (pas vdekjes).
Çmimi “Vangjush Gambeta” për shkrimin më të mirë në Kosovë, iu dha gazetarit Albert Spahiu.
Çmimi “Vangjush Gambeta” për shkrimin më të mirë në Shqipëri , iu dha gazetarit Elvin Luku.
Çmimi “Vangjush Gambeta” për shkrimin më të mirë në Maqedoninë e Veriut, iu dha gazetares Rita Behadini.
Çmimi “Vangjush Gambeta” për kronikën më të mirë ekonomike televizive, iu dha gazetares Oljana Maloku.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
