Presidentja e Kosovës, Vjosa Osmani, do të takohet më 7 shtator në Bruksel me kreun e NATO-s, Jens Stoltenberg.
Në faqen zyrtare të aleancës thuhet se Stoltenberg e Osmani do të mbajnë konferencë për media më 7 shtator.
“Të enjten, më 7 shtator 2023, sekretari i përgjithshëm i NATO-s, Jens Stoltenberg, do ta presë znj. Vjosa Osmani-Sadriu. Sekretari i përgjithshëm dhe znj. Osmani do të mbajnë konferencë të përbashkët për media në seli të NATO-s pas takimit të tyre”, thuhet në njoftimin e NATO-s.
Tema kryesore të takimit pritet të jenë situata e sigurisë në Kosovë, veçmas në pjesën veriore, të banuar me shumicë serbe. Kujtojmë që NATO ka rritur numrin e ushtarëve në kuadër të KFOR-it, për shkak të tensioneve në Veri të Kosovës.
Prishtina ka shprehur vazhdimisht ambiciet e saj për t’u integruar në aleancën ushtarake.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
