Fitohet lotaria me shumën më të lartë në histori, 2 miliardë dollarë

Në Shtetet e Bashkuara të Amerikës një biletë lotarie Powerball solli 2.04 miliardë dollarë në xhepat e një fituesi me fat.

Bileta, siç raportojnë mediat amerikane u ble dhe u shit në një pikë karburanti në Altadena, Los Angeles County, California.

Një xhekpot që mposht rekordin e parave të fituar nga një person në historinë e Powerball, dhe që rekordi i mëparshëm ishte fituar në vitin 2018, nga një fitues i lotarisë Mega Millions me 1.6 miliardë dollarë.

Powerball është një lotari që zhvillohet në 45 shtete, plus kryeqytetin Uashington, Porto Riko dhe Ishujt e Virgjër.

Çmimi, është më i larti në histori i ofruar ndonjëherë në një lotari. Shorti i numrave fitues u zhvillua me dhjetë orë vonesë për shkak të një problemi teknik në lidhje me shortin e Minesotës, e cila nuk mundi të përfundonte në kohë procedurat e sigurisë.

Sipas Powerball, shanset për të arritur xhekpotin ishin një në 292.2 persona. Njëzet e dy persona fituan 1 milion dollarë për përputhjen e pesë numrave fitues, por jo numrin e Powerball.

Shortet zhvillohen tre herë në javë dhe çmimi më i lartë nuk është fituar që nga 4 gushti. Kushdo që fiton xhekpotin, shuma e deklaruar e të cilit është bruto nga taksat shtetërore dhe federale, mund ta marrë atë në një shumë të përgjithshme ose në tridhjetë këste vjetore për 29 vjet.