Të shtëna me armë në Lezhë, raportohet për një të plagosur

Të shtëna me armë janë regjistruar sot pranë tregut të qytetit të Lezhës. 

Korrespondenti i MCN TV raporton se i plagosur ka mbetur Tonin Ndreca, 35 vjeç, banues në Laç.

Policia bën me dije përmes një njoftimi për mediat se:

Rreth orës 11:00, në qytet Lezhë, në afërsi të shinave të trenit, gjatë një konflikti të çastit që dyshohet për parkimin e automjeteve, shtetasi M. K. banues në Kurbin, ka plagosur me armë zjarri shtetasin T. N. 35 vjeç, banues në Laç, i cili ndodhet në spital jashtë rrezikut për jetën.  Autori i dyshuar është larguar menjëherë pas ngjarjes dhe vijon ndjekja nga ana e shërbimeve të Policisë për lokalizimin dhe kapjen e tij. Në vendngjarje, grupi hetimor nën drejtimin e Prokurorisë, po kryen veprimet hetimore për zbardhjen e rrethanave të ngjarjes dhe dokumentimin ligjor.