Policia e Durrësit ka ndaluar një 27-vjeçar pasi ka përdorur dinamit për gjueti të paligjshme në zonën e Kepit të Rodonit. Policia ndaloi shtetasin Juljan Shetaj, 27 vjeç, banues në fshatin Shetaj, Durrës.
Policia sqaron se: Në vijim të veprimeve hetimore të kryera, gjatë kontrollit të ushtruar në banesën e shtetasit të mësipërm u gjet dhe sekuestrua në cilësinë e provës materiale një armë zjarri automatik tip kallashnikov , të cilën e mbante pa leje. Gjithashtu i’u sekuestrua edhe një mjet lundrues, varkë, pa Çertifikatën e përdorimit të mjetit lundrues nga Policia Kufitare dhe dokumentacion të rregullt.
Ky rast u denoncua në portalin e Komisariatit Dixhtal, ndërsa policia e Durrësit falenderon qytetarin në lidhje me denoncimin e bërë dhe fton çdo shtetas që konstaton një fenomen të paligjshëm të denoncojë duke garantuar marrjen e masave nga ana jonë dhe vënien para përgjegjësisë penale çdo shkelës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
