Dhjetëra mijëra njerëz u mblodhën në qendër të Madridit për të protestuar kundër qeverisë së kryeministrit socialist Pedro Sanchez. Mbështetësit e opozitës dolën me slogane të tilla si "Sanchez, tradhtar" dhe "qeveria të japë dorëheqjen”. Protesta u organizua nga Partia Popullore konservatore nën sloganin "mafie apo demokraci", pasi gruaja, vëllai dhe ish-ndihmës i ngushtë i kryeministrit përballen me akuza për korrupsion.
Kreu i Partisë Popullore, Alberto Nunez Feijoo, bëri thirrje për zgjedhje të parakohshme.
Z. Sanchez, mos u fsheh, mos gënje dhe mos kandido. Spanja e di shumë mirë se kush je dhe çfarë ke bërë. Dorëzohu për demokracinë. Shpall zgjedhje: i duam tani sepse askush nuk votoi për të, madje as mbështetësit e tu.
Kryeministri akuzoi kundërshtarët e tij politikë dhe mediatikë se po kryenin një "fushatë shantazhi" kundër tij dhe gruas së tij, duke pretenduar se akuzat e rreme ishin të dizajnuara për të shkaktuar "kolapsin e tij personal dhe politik".
Gruaja e kryeministrit, Begoña Gómez, është akuzuar për "shfrytëzim ndikimi" dhe "korrupsion", pas një padie të ngritur nga një organizatë antikorrupsion që konsiderohet e lidhur me të djathtën ekstreme.
Organizata e akuzoi Gómez se kishte përdorur ndikimin e saj si gruaja e kryeministrit për të siguruar fonde për një program studimi universitar që ajo drejtonte.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
