Janë luajtur këtë të diel, dy ndeshjet e fundit, të vlefshme për javën e tretë në Abissnet Superiore.
Partizani ka regjistruar fitoren e tretë radhazi, teksa mposhti minimalisht Bylisin në transfertë. Të kuqtë nga kryeqyteti, iu falën sërish Xhuljano Skukës, i cili ishte autori i golit të vetëm, të shënuar në minutën e 31, pas një skeme nga goditja e dënimit.
Me këtë triumf, Partizani merr kreun e renditjes me pikë të plota, plot 9, pas 3 ndeshjeve të para, ndërsa Bylis zbret në vendin e pestë me 4 pikë.
Egnatia regjistroi fitoren e parë në këtë kampionat, pasi mposhti 0-1 Laçin në transfertë, në një ndeshje shumë të luftuar.
Golin e vetëm për rrogozhinasit, e shënoi Delarge në minutën e 46-të, duke i dhënë suksesin e parë skuadrës së tij për këtë sezon. Në krahun tjetër, Laçi vazhdon të shfaqë probleme, teksa kjo është humbja e dytë radhazi.
Me këtë fitore, Egnatia mban vendin e shtatë me 3 pikë, ndërsa Laçi renditet një vend më poshtë, me të njëjtën kuotë pikësh.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
