Të paktën 155 persona janë lënduar pasi dy trena u përplasën në rajonin e Katalonjës në Veri-Lindje të Spanjës, thanë shërbimet e Urgjencës.
Përplasja, ndodhi rreth orës 07:50 në një stacion në periferi të Barcelonës. Mediat lokale raportuan se trenat po udhëtonin në të njëjtin drejtim dhe u përplasën ndërsa njëri ishte i parkuar në stacion.
Është e paqartë se si ka ndodhur aksidenti dhe zyrtarët ende nuk kanë komentuar.
Duke shkruar në Twitter, shërbimet e Urgjencës thanë se 150 persona ishin plagosur lehtë dhe 5 të tjerë janë plagosur pak më rëndë. Tre prej tyre janë transportuar në spital. Trafiku i trenave u ndërpre për pak kohë në disa linja për shkak të aksidentit, tha shërbimi hekurudhor kombëtar Renfe.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
