Gjatë fjalës së tij në Kuvend, ku prezantoi programin qeverisës 4-vjeçar, kryeministri Rama dha edhe një mesazh për Greqinë. Në përgjigje të deklaratave të fundit të zyrtarëve grekë lidhur me votën kundër anëtarësimit të Shqipërisë në BE, Rama u shpreh se është koha për zgjidhjen e çështjeve që janë pezull mes dy vendeve.
“Duam miqësi reciproke, respekt të ndërsjelltë dhe bashkëpuinim strategjik. Çdo grek që jeton në Shqipëri është anëtar me liri e të drjejtat të barabarta të familjes tonë. Dhe minoriteti grek është një urë lidhëse mes dy vendeve tanë.
Por Shqipëria pavarësisht halleve e nevojave të saj nuk do të mbyllë asnjëherë as sytë as gojën në mbrojtje të të vërtetave e të drejtave të veta.
Shprehem besimplotë se koha që kemi përpara do të ndihmojë të zgjidhim e çështjeve të lëna pezull me dialog me këmbë në tokë dhe jo me deklarata fluturake", tha ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
