Presidenti kinez Xi Jinping pritet të udhëtojë në Rusi në pranverë. Kjo është bërë e ditur nga Ministria e Jashtme ruse, e cila tha se kjo do të jetë një ngjarje qendrore në marrëdhëniet midis Rusisë dhe Kinës në vitin 2023.
Kështu raporton agjencia ruse e lajmeve Tass .
Në vitin e ardhshëm, përmes përpjekjeve të përbashkëta, Rusia dhe Kina do të jenë në gjendje të forcojnë dhe avancojnë më tej lidhjet dypalëshe. Siç e dini, presidenti rus Vladimir Putin ka ftuar udhëheqësin kinez Xi Jinping të bëjë një vizitë shtetërore në Federatën e Rusisë në pranverë. Ne besojmë se kjo do të bëhet një ngjarje qendrore në marrëdhëniet dypalëshe në vitin 2023.
South China Morning Post raporton se udhëtimi i Xi në Rusi pritet rreth përvjetorit të pushtimit të Ukrainës. Putin e ftoi Xi gjatë një video-telefonate të fundvitit mes të dyve në dhjetor. Pekini nuk e ka konfirmuar ende udhëtimin e Xi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
