Këtë të mërkurë, dhoma e lartë e Parlamentit rus ratifikoi traktatin e mbrojtjes reciproke me Korenë e Veriut, ushtarët e së cilës, sipas Kievit dhe Uashingtonit janë në prag të bashkimit me rusët që të luftojnë forcat ukrainase.
Ky votim i Këshillit të Federatës, vjen dy javë pas atij të deputetëve. Asnjë senator nuk votoi kundër, ndërsa Moska dhe Pheniani kanë rritur bashkëpunimin që kur Rusia nisi të sulmonte Ukrainën në shkurt të 2022.
Ky traktat parashikon ndihmë të menjëhershme ushtarake reciproke në rast të një sulmi kundër njërit prej dy vendeve.
Pjesëmarrja e ushtarëve të Koresë së Veriut në luftime, për të cilat Perëndimi beson se janë të pashmangshme, do të ishte një goditje e re për trupat ukrainase, pa burra dhe armë, të cilat po tërhiqen në shumë pjesë të frontit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
