Prethi: Lapaj do ta marrë mandatin e deputetit. S’e lëmë ne ta refuzojë

Dorina Prethi nga lëvizja “Shqipëria Bëhet” tha se Adriatik Lapaj do ta marrë mandatin e deputetit.

Duke folur në emisionin “Zonë e Lirë” Prethi thotë se ky mandat është i gjithë lëvizjes “Shqipëria Bëhet”.

 “Patjetër që do futet. Ai s’është përgjigjur drejtpërdrejt, por…Atij i është dhënë një mandat. S’e lëmë ne, se është mandati i gjithë lëvizjes. Ne s’punuam për një faktikisht, punuam për shumë. Unë mendoj që s’kemi humbur gjë edhe pse e tha atë deklaratë”.

Ajo tha se ndër të tjera se po diskutohet një bashkëpunim paszgjedhor mes Shqipëria Bëhet dhe Nismës Thurje. 

Kujtojmë që koalicioni Nisma Shqipëria Bëhet ka marrë mbi 64 mijë vota në rang vendi, por do të përfaqësohet vetëm me një deputet në Kuvendin e ri.