Një qendër ndërkombëtare gazi do të krijohet në Turqi sa më shpejt të jetë e mundur. Vendi më i përshtatshëm për të është rajoni i Trakës në pjesën evropiane të vendit, tha presidenti turk Tajip Erdogan, duke komentuar rezultatet e bisedimeve të mbajtura më 13 tetor në Astana, me homologun e tij rus Vladimir Putin.
"Traka është vendi më i përshtatshëm për qendrën. Së bashku me Presidentin e Federatës Ruse, Vladimir Putin, udhëzuam ministrat e energjisë të nisin punën përkatëse. Kemi një qendër kombëtare të shpërndarjes [për gazin], por kjo do të jetë ndërkombëtare. Nuk mund të ketë vonesa. Do të merren të gjitha masat e nevojshme në aspektin e sigurisë”, tha Erdogan në kanalin TRT.
Të enjten u raportua se Rusia dhe Turqia kanë rënë dakord të kalojnë shpejt në një diskutim specifik të kohës së zbatimit të propozimeve të reja të gazit nga Rusia, negociatat mund të fillojnë që në fillim të javës së ardhshme, sipas CEO të Gazprom, Alexey Miller.
Nga ana tjetër, zëdhënësi presidencial rus, Dmitry Peskov tha se presidentët e Rusisë dhe Turqisë Vladimir Putin dhe Recep Tayyip Erdogan kanë dhënë tashmë udhëzime për të punuar në mundësinë e krijimit të një qendre gazi në territorin e vendit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
