Voton presidenti Begaj: Sot një ditë e rëndësishme në demokraci. Këto votime janë të qytetarëve

Presidenti Bajram Begaj ka votuar paraditen e sotme në shkollën “Kongresi i Lushnjes” në Tiranë.

I shoqëruar nga bashkëshortja e tij, presidenti Begaj, e quajti këtë ditë një ditë të rëndësishme për demokracinë.

Sot është një ditë e rëndësishme në demokraci. Është dita e zgjedhjeve. Unë ushtrova detyrën time si qytetar.

Çdo shtetas i republikës së Shqipërisë me të drejtë vote sot ka ditën që të dëgjohet që vota e tij të lexohet, fuqia dhe pushteti i votës së tij të bëjë ndryshimin.

Unë e kam thënë që këto votime nuk janë të partive politike. Këto janë të qytetarëve dhe duhet t’i shërbejnë qytetarëve.