Nëse prindërit janë shumë të përqendruar te smartfoni apo tableti, fëmijët mund të manifestojnë probleme të sjelljes, kapriçio e nervozizëm deri në hiperaktivitet. Ky është përfundimi i një studimi të publikuar në revistën “Child Development” dhe të kryer nga Brandon McDaniel i Universitetit të Shtetit të Ilinoisit.
Ekspertët kanë studiuar pothuajse 170 familje me fëmijë të vegjël, duke u kërkuar prindërve të flasin për marrëdhënien e tyre me teknologjinë dhe sa ajo ndikon në ndërveprimin e përditshëm me fëmijët e tyre.
Rreth gjysma e të intervistuarve deklaruan se smartfoni apo pajisjet e tjera e ndërpresin aktivitetin familjar të paktën 3 herë në ditë, kur prindërit lexojnë dhe u përgjigjen mesazheve në të njëjtën kohë që po merren me fëmijët.
Nga të dhënat e mbledhura doli se kishte një lidhje mes problemeve të sjelljes së fëmijëve dhe frekuencës së deklaruar për përdorimin e smartfonit apo pajisjeve të tjera teknologjike nga ana e fëmijëve gjatë kohës që i kushtohet familjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
