Aktori i njohur Jay Pickett ka ndërruar jetë në moshën 60-vjeçare ndërsa ishte duke xhiruar për filmin e tij të ardhshëm.
Lajmin e ka bërë të ditur regjisori i filmit, Travis Mills i cili tha se Jay ishte në Idaho duke xhiruar një skenë për filmin e ardhshëm “Treasure Valley” kur vdiq.
“Jay Pickett, njeriu kryesor, shkrimtari, producenti dhe krijuesi i këtij filmi, vdiq papritur ndërsa ishim duke u përgatitur për të xhiruar një skenë”, shkroi Mills në Facebook.
“Zemrat tona janë thyer dhe jemi të pikëlluar së bashku me familjen e tij”
Ndërkohë shkaku i vdekjes së Pickett ende nuk është vërtetuar, Mills tha se “duhet të ketë qenë një sulm në zemër”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
