Analisti dhe eksperti i sigurisë Ilir Kulla deklaratat e Presidentit turk Rexhep Tayip Erdogan nga Tirana kur se Izraeli është shtet terrorist, i cilëson si lëshimin e dorezës së sfidës për shumëkënd.
Në emisionin “Zonë e Lirë” të Arian Çanit, Kulla tha se Erdogan e bëri një deklaratë të tillë në xhami për tre arsye, së pari iu përgjigj Ramës nga Kryeministria, i cili tha se tek Izraeli ndahemi dhe se Hamasi është terrorist.
Por Kulla sqaroi se Hamasin e mban Turqia dhe se krerët e Hamasit janë në Turqi.
Sipas tij, Rama duke thënë që Hamasi është terrorist, e goditi indirekt.
Erdogani i dha nga xhamia përgjigje Edi Ramës, që terrorist është Izraeli.
Gjuha e trupit e Ramës ishte shumë e rëndë, dukej shumë i nervozuar.
Ai e di shumë mirë që tre javë më parë ishte Presidenti i Izraelit, dhe më tej në Beograd.
Dhe gjeti t’i thotë që ti mund të vish se Izraeli ka Amerikën pas.
Por unë i flas popullit dhe njerëzit brohorasin jo se po ndërtohet xhamia, por që ai thotë se Izraeli është vend terrorist, ne do e dënojmë.
Gjuha e tij është gjuhë e rëndë politike dhe jo diplomatike.
E treta i flet dhe aleatëve të NATO-s dhe iu thotë se shiko unë jam ushtria e dytë e NATO-s dhe nëse vazhdon kështu, do më detyrojë të bëj atë që bëra në Libi, çova ushtrinë turke në Libi.
Rama ishte komplet i ngrirë, se Rama foli para Erdoganit. Se herëve të tjera Erdogan ka folur për FETO.
Në xhami nuk foli për FETO, foli për Izraelin dhe njerëzit u eksituan. Ishte një gjë e kalkuluar nga Erdogani.
Dje kishte dy njerëzit më të rëndësishëm me vete, Hakan Fidan, ministri i Jashtëm dhe ish-kryetari i shërbimit sekret dhe kreun aktual të shërbimit sekret, i cili ishte në krahë të Ramës.
Ai dje kishte marrë peshën e rëndë me vete. Erdogan e fillonte këtë vizitë me Shqipërinë, nesër në Beograd dhe vazhdon në qytetin e Kazan në Rusi, ku bëhet samiti i BRIX, ku do të jetë samiti i BRIX, plus OPEC, ku janë shtatë prodhuesit e naftës.
Kjo është aleanca e re ekonomike, politike dhe së shpejti mund të jetë dhe ushtarake.
Gjuha e Erdogan krijoi një nervozizëm në gjuhën e trupit të kryeministrit që rrallë herë e kam parë.
Erdogan e bëri qëllimisht dha mesazhe nga Tirana, që është vend anëtar i NATO-s, ku është bërë baza e re pak muaj më para.
Hamasi e ka bazën në Ankara. Rama është mes dy zjarreve, s’mund të dalë kundër Izraelit dhe Amerikës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
