Sekretari i përgjithshëm i OKB-së ka thënë se Lufta e Ftohtë është "kthyer me një hakmarrje".
Antonio Guterres paralajmëroi gjithashtu për rreziqet e përshkallëzimit të Sirisë. Këto paralajmërime Guterres i bëri në hapjen e takimit në tryezën e rrumbullakët të Këshillit të Sigurimit të OKB-së, raporton BBC .
"Lufta e Ftohtë është kthyer me një hakmarrje, por me një ndryshim", tha ai."Mekanizmat dhe masat mbrojtëse për të menaxhuar rreziqet e përshkallëzimit që ekzistonin në të kaluarën nuk duken më të pranishme".
Ai u bëri thirrje vendeve të "veprojnë me përgjegjësi në këto rrethana të rrezikshme".
Ambasadori rus në OKB, Vassily Nebenzia, akuzoi SHBA për përdorimin e sulmit të dyshuar kimik si një pretekst për të përmbysur qeverinë e Asadit dhe "të frenojnë" Rusinë.
Ndërsa ambasadorja amerikane Nikki Haley akuzoi presidentin sirian Bashar al-Assad për përdorimin e armëve kimike të paktën 50 herë në shtatë vjet.
Ambasadori i Francës tha se Siria kishte shkuar "përtej pikës së mos kthimit" dhe Franca "do të mbante përgjegjësinë e saj për t'i dhënë fund një kërcënimi të patolerueshëm për sigurinë tonë kolektive"
Sulmi i dyshuar, që është mohuar nga qeveria e Presidentit Assad, u krye të shtunën në qytetin lindor Guma të Doumit, ku thuhet se ka vrarë dhjetëra njerëz.
Kontrolli mbi qytet ka kaluar nga rebelët në duart e autoriteteve ushtarake siriane dhe ruse.
SHBA dhe aleatët e saj po marrin në konsideratë nisjen e sulmeve raketore kundër Sirisë pas një sulmi të dyshuar kimik, një veprim që Rusia, forcat e të cilëve po mbështesin qeverinë, ka thënë se do të rrezikonte të fillonte një luftë.
Por Rusia ka akuzuar Britaninë e Madhe se ka bërë një sulm ndaj një ish-spiuni, një akuzë që Britania e hodhi poshtë si një "gënjeshtër groteske, të hapur".
Lufta e Ftohtë, e cila pasoi fitoren e Aleatëve në Luftën e Dytë Botërore, pa që Shtetet e Bashkuara dhe aleatët e saj u përballën për dekada me Bashkimin Sovjetik, nga të cilat Rusia është shteti kryesor pasues.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
