MCN TV mëson se Ministri i Drejtësisë Ulsi Manja ka urdhëruar vendosjen në regjimin e posaçëm për një afat 1 vjeçar shtetasit: Viktor Ymeri alias Viktor Bajraktari, Klement Çala dhe Eldi Çala.
Vendimi i Ministrit të Drejtësisë vjen pas një bashkëpunimi dhe bashkëveprimi të ngushtë me agjencitë e zbatimit të ligjit SPAK, DBP, Policia e Shtetit, SHISH, SHKB.
Viktor Ymeri është një prej emrave më të njohur të botës së krimit në Vlorë. Ai ka lidhje miqësie e farefisnie me Edison Harizajn, i ekzekutuar para disa muajsh në Durrës.
Po ashtu Ymeri konsiderohet një nga njerëzit e afërt të Gazmend Brakës, i njohur ndryshe si "Gaxhai", i cili vuan dënimin me burgim të përjetshëm.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
