Të paktën 5 persona kanë vdekur dhe 284 të tjerë janë evakuuar pasi një traget shpërtheu në flakë pranë brigjeve të Indonezisë.
Trageti “Barcelona VA” po lundronte midis Ishujve Talaud dhe Manado kur u përfshi nga flakët rreth orës 12:00 sipas orës lokale, pranë ishullit Talisei, raportuan mediat lokale në Indonezi.
Shkaku i zjarrit nuk është bërë i ditur deri më tani. Pamje rrëqethëse janë postuar në “X”, ku shihen pasagjerët duke u hedhur nga trageti që digjet në det, të veshur me jelekë shpëtimi. Ndërkaq flakë dhe shtëllunga tymi të zi dalin nga mjeti lundrues.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
