Ndahet nga jeta në moshën 98-vjeçare ish-Presidenti italian, Giorgio Napolitano. Në orën 19:45 të së premtes, senatori Giorgio Napolitano, ndërroi jetë në klinikën "Salvator Mundi" në Gianicolo të Romës, ku ishte shtruar prej disa ditësh në gjendje të rëndë.
Njeriu i reformës me çdo kusht, u shua, një napolitan shumë klas, elegant dhe “kërkund”, siç e përkufizonte vetë veten.
Napolitano shërbeu si President i Italisë nga viti 2006 deri në 2015, i pari i rizgjedhur në detyrë.
Për shkak të pozitës së tij dominuese në politikën italiane, disa kritikë i janë referuar atij edhe si “mbreti Giorgio”.
Në detyrë nga 2006 deri në 2015, ai është Presidenti më jetëgjatë në historinë e Republikës moderne italiane.
Napolitano ishte një anëtar i vjetër i Partisë Komuniste Italiane dhe i pasardhësve të saj socialdemokratë postkomunistë.
I zgjedhur për herë të parë në Dhomën e Deputetëve në vitin 1953, ai pati një interes të zellshëm për jetën parlamentare dhe ishte Kryetar i Dhomës së Deputetëve nga viti 1992 deri në 1994.
Ai ishte ministër i Brendshëm nga viti 1996 deri në 1998 në kabinetin e drejtuar nga Romano Prodi.
Napolitano u emërua senator i përjetshëm në 2005 nga Presidenti Carlo Azeglio Ciampi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
