Përmbytjet në Anën e Malit në Shkodër, tashmë janë kthyer në arenë debati mes pushtetit vendor dhe atij qendror. Në një dalje në ERTV, ministrja e Mbrojtjes Olta Xhaçka ka rrëzuar pretendimet e kryebashkiakes së Shkodrës, Voltana Ademi, se qeveria i ka lënë në mëshirë të fatit banorët e përmbytur. Ministrja madje, akuzoi Ademin, se bashkia nuk ka punuar për të pastruar kanalet kulluese, që shkaktuan këtë situatë.
Por, Ademi ka reaguar sërish, duke thënë se përmbytjet kanë ardhur nga shkarkimi i HEC-eve dhe jo nga kanalet kulluese, ndërsa ka akuzuar ministen se po i servir publikut foto, të kapura nga Lushnja, Fieri apo Saranda,.
Në orët e fundit ka rritje të shkarkimeve nga Hidrocentrali Vau Dejës, ku shkarkohen 1.000 m3 ujë në sekond duke llogaritur edhe agregatet. Ademi thotë së probleme janë shfaqur edhe në zonën e Velipojës, ndërkohë në total janë 200 banesa në rrezik nga uji.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
