Kryetari i Partisë Demokratike Sali Berisha jep një mesazh në rrjetin social TikTok për protestën e datës 6 dhjetor, ku sqaron arsyet se pse është thirrur.
Berisha sqaron se kjo protestë, ditën e Samitit Europian, u thirr me qëllimin më madhor, për t’u bërë të qartë miqve në Shqipëri se Edi Rama duke shpenzuar dhjetëra milionë euro dhe duke angazhuar 10-ra kompani lobimi, ka paraqitur tek ju një realitet shqiptar që nuk ekziston.
Sipas tij, e vërteta është se, sot Shqipëria është një vend në shpërbërje, nga e cila janë larguar në vitet qeverisëse të tij, më shumë qytetarë se në Siri, që po përjeton luftë civile.
Shqipëria është një vend i pasur, por shqiptarët janë sot banorët më të varfër. Kjo jo se nuk ka burime, por se burimet e tyre natyrore, pasuritë e tyre, buxheti i tyre vidhen, vidhen dhe vetëm vidhen nga qeveria.
Edi Rama sot ka të gjithë pushtetet në duar. Kjo jo se ai i meritoi, por sepse ai ka vjedhur votën dhe nuk respekton vullnetin e lirë të qytetarëve.
Së fundmi, vjedhjet e Edi Ramës dhe klanit të tij kanë prekur edhe qytetarët tuaj. Me Bitcoin janë vjedhur nga klani qeveritar mbi 2.2 miliardë euro.
Të gjitha këto janë vetëm disa elementë të hidhur të realitetit shqiptar. Ndaj dhe ne, si parti që përmbysëm komunizmin dhe sollëm pluralizmin, zhvilluam vlerat europiane në këtë vend.
Anëtarësuam Shqipërinë në NATO, liberalizuam vizat dhe morëm rekomandimin për statusin e vendit kandidat.
Qëndrojmë besnikë në këto vlera dhe këto parime që ndajmë me kombet e vendeve tuaja. Kështu që jemi sot në këtë protestë, pikërisht për të ngritur zërin tonë.
Se ne nuk jemi njerëz të varfër, por para së gjithash jemi të vjedhur.
Se ne nuk votojmë të lirë dhe kjo vret shpresën e shqiptarëve, i shndërron ata në “boat people”, ndaj dhe duam që zëri ynë të dëgjohet.
@prof.dr.saliberisha Shqiptarët janë shndërruar në “boat people”, ndaj dhe duam që zëri ynë të dëgjohet. Protestojmë më 6 dhjetor, ora 12:00, të gjitë bashkë, në Bulevardin “Dëshmorët e Kombit” #sb ♬ original sound - Sali Berisha
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
