Policia e Tiranës ka ndaluar një shtetas të shpallur në kërkim ndërkombëtar nga drejtësia italiane për veprën penale “Trafikim i paligjshëm i lëndëve narkotike dhe substancave psikotrope”.
I arrestuari është Xhaferr Kita, 35 vjeç, banues në fshatin Kryemëdhej Kavajë. Kapja e Kitës u bë në banesën e tij në fshatin Kryemëdhej.
Ky shtetas është shpallur në kërkim ndërkombëtar nga Interpol Roma në datë 26.04.2016, pasi Gjykata e Hetimeve Paraprake Milano (Itali ) me vendimin e datës 01.04.2016 ka caktuar masën e sigurisë “Arrest me burg për veprën penale”Trafikim i paligjshëm i lëndëve narkotike & substancave psikotrope”.
Maksimumi i dënimit është deri në 20 vjet burg. 35 vjeçari u shoqërua në ambientet e Drejtorisë Vendore të Policisë Tiranë për veprime të mëtejshme.
Ndërkohë nga shërbimet e policisë po vazhdon puna për sekuestrimin e pronave dhe aseteve pasurore që disponon.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
