Kapiteni Flamur Aliu dhe mekaniku Nuri Xheka, që kishin përshtatur një depozitë në peshkarexhë për mbajtjen e rreth 80.000 litrave naftë të kontrabanduar, kanë dalë sot para Gjykatës së Durrësit për masën e sigurisë.
Korrespondentja e MCN TV raporton se gjykatësja e çështjes Besjana Garxenaj në përfundim të seancës ka vendosur “Arrest me burg” për dy të pandehurit, megjithëse avokatët mbrojtës kërkuan një masë më të lehtë sigurie.
Ata u arrestuan dy ditë më parë nga policia e Durrësit dhe akuzohen për futjen kontrabandë të rreth 80 000 litrave naftë të blerë në Libi, me qëllim shmangien e detyrimeve doganore.
Kujtojmë që ende nuk është kapur nga policia administratori Alban Malindi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
