“Jelekët e kuq” të Tunizisë, të rinjtë protestojnë para Ministrisë së Arsimit

Sipas shembullit të “jelekëve të verdhë” në Francë, rinia tuniziane është mobilizuar në një protestë që pritet të mbahet më 12 dhjetor.

“Jelekët e kuq” të Tunizisë janë të rinj që kërkojnë “të drejtën për një jetë dinjitoze”.

Ata protestojnë kundër klasës politike dhe hendekut të madh që është krijuar mes saj dhe popullit.

Mobilizimi deri tani virtual, “paqësor dhe i hapur për të gjithë”, do të shpërndahet në të gjithë vendin, thuhet në faqen në “Facebook” të grupit “Jelekët e kuq”.

Federata e Përgjithshme për Arsimin e Mesëm në Tunizi ka shpallur një mobilizim masiv në të gjitha rajonet e vendit dhe një “ditë të tërbimit” për 12 dhjetor me një manifestim proteste në kryeqytet.

Për 19 dhjetor është parashikuar edhe një protestë e të rinjve përpara Ministrisë së Edukimit.