Bashkimi Evropian duhet të jetë "i vendosur dhe i bashkuar" kundër administratës "të dëshpëruar dhe jolegjitime" të presidentit bjellorus, Alexander Lukashenko dhe përpjekjeve të tij të vazhdueshme për të destabilizuar BE-në, kështu ka deklaruar Ylva Johansson, Komisionerja Evropiane për Çështjet e Brendshme.
Komentet e saj pasojnë një rritje të tentativave për kalime të paligjshme në kufirin Poloni-Bjellorusi, ku qindra emigrantë që kanë qëndruar gjatë natës. Incidenti ka çuar në dënim ndërkombëtar nga BE, SHBA dhe NATO dhe ripërtëritjen e kërcënimeve me sanksione.
Brukseli beson se regjimi i Bjellorusisë po inkurajon emigrantët nga vende të tilla si Iraku, Siria, Afganistani dhe Kameruni që të hipin në fluturimet për në Minsk, ku atyre u jepen viza dhe akomodim dhe më pas u thuhet të shkojnë drejt kufirit polak.
Më shumë se 30,000 emigrantë janë përpjekur të kalojnë kufirin Poloni-Bjellorusi këtë vit. Më shumë se 15,000 kalime u regjistruan vetëm në tetor.
Lituania dhe Letonia, të cilat gjithashtu kanë kufij me Bjellorusinë, janë prekur gjithashtu.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
