Projektligji për surrogacinë, Dhori: I shërben grupeve klienteliste pranë qeverisë dhe çifteve të huaja (VIDEO)

Deputetja e Partisë Demokratike Ilda Dhori tha përmes një lidhje “Skype” me studion e MCN Live se projektligji për surrogacinë i shërben grupeve të interesit pranë qeverisë dhe çifteve të huaja.

Sipas Dhorit, qeveria mund ta tërheqë këtë projektligj vetëm nëse shoqëria reagon.

Nuk janë pyetur grupet e interesit dhe nuk ka një studim mbi çfarë bazash është i nevojshëm ky projektligj. Nuk i kemi as ne si deputetë të dhënat nuk i ka as Ministria e Shëndetësisë. Ne kemi kërkuar informacione sa janë procedurat e fertilizimit invitro që bëhen në një vit në spitalet private, që bëhen dhe Ministria e Shëndetësisë  nuk kishte asnjë informacion sesa janë nevojat për procedurat invitro.

Ka studime të bëra nga grupet e interesit nga klientë brenda qeverisë, ata që do të jenë përfituesit e vërtetë nëse do të miratohet ky ligj. Tendenca botërore mund të jetë drejt shfrytëzimit të gruas, skllavërimit të gruar të mitrës.

E turpshme që ky projektligj synon të lejojë këtë skllavërim modern duke pasur në qendër gruan në funksion të çifteve të huaja.

Nuk do të përfitojnë çiftet shqiptare, por janë çiftet e huaja ata që do të kenë këtë përfitim. Porositësit e fëmijëve me anë të surrogacisë, mund të jenë shtetas shqiptarë edhe të huaj. Jemi duke bërë, Ministria e Shëndetësisë që nuk ka asnjë të dhënë është duke bërë një ligj që nuk i shërben shqiptarëve, por i shërben të huajve, qoftë edhe me vendbanim të përkohshëm.

Duhet të reagojë shoqëria shqiptare. Rruga e vetme që mund të sprapsë qeverinë është reagimi shoqëror. Nëse ata shohin që ka reagim, ata do të jenë të gatshëm ta tërheqin apo të bëjnë ndryshime.