Foshnja e porsalindur, e gjetur në rrënojat e ndërtesës së shembur në Siri me kordonin e kërthizës ende lidhur me trupin e nënës së saj, është birësuar. Mijëra njerëz ishin ofruar të birësonin të porsalindurën. Mjekët thanë se ajo ishte në gjendje të mirë shëndetësore.
"Ajo është një nga fëmijët e mi tani," tha xhaxhai i saj për agjencinë e lajmeve Associated Press. "Unë nuk do të bëj dallim mes saj dhe fëmijëve të mi."
Foshnja tani ka marrë emrin e nënës së saj të ndjerë Afraa. Menjëherë pasi ajo u shpëtua, zyrtarët e kishin quajtur Aya, që do të thotë mrekulli në arabisht. Një video e shpëtimit të saj menjëherë pas lëkundjes u bë virale në mediat sociale.
Pamjet dramatike treguan një burrë duke u larguar me shpejtësi nga mbeturinat ndërsa e mbante atë të mbuluar me pluhur në krahë.
Ajo thuhet se kishte qenë nën ndërtesën e shembur për më shumë se 10 orë dhe mjekët thanë se ajo kishte mbërritur në spital në një gjendje të keqe, me mavijosje dhe prerje në të gjithë trupin.
Ndërtesa në të cilën jetonte familja e saj ishte një nga rreth 50 që thuhet se u shkatërrua nga një tërmet 7.8 ballë në Jidayris, një qytet i kontrolluar nga opozita në provincën Idlib që është afër kufirit turk.
Nëna e saj filloi lindjen menjëherë pas fatkeqësisë dhe lindi para se të vdiste, tha një i afërm.
"Kjo vajzë do të thotë shumë për ne, sepse nuk ka mbetur askush nga familja e saj përveç kësaj foshnje. Ajo do të jetë një kujtim për mua, për tezen e saj dhe për të gjithë të afërmit tanë në fshatin e nënës dhe babait të saj" tha zoti Sawadi.
Sawadi, i cili ishte i pranishëm kur ajo u shpëtua, i tha Associated Press se kishte qenë i shqetësuar se dikush mund ta rrëmbente Afraan gjatë dy javëve të saj në spital, ndërsa ofertat për ta adoptuar u vërshuan. Familja e saj që e pranoi tha se vendi më i mirë për Afranë ishte familja.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
