Aeroporti Ndërkombëtar i Dubait devijoi të gjitha fluturimet e mbërritjes këtë të martë për shkak të shirave të dendur që shkaktuan përmbytje të konsiderueshme.
“Për shkak të kushteve të jashtëzakonshme të motit, Aeroporti Ndërkombëtar i Dubait po devijon përkohësisht fluturimet e pritura këtë mbrëmje derisa situata të përmirësohet”, tha një zëdhënës i aeroportit të Dubait.
Dubai është paralizuar nga përmbytjet e shkaktuara nga shirat e rrëmbyeshëm. Dy vende të tjera të Gjirit, Bahreini dhe Omani ku humbën jetën 18 persona, kanë pësuar gjithashtu përmbytje të mëdha.
Qendrat e mëdha tregtare në Dubai, shumë rrugë dhe një stacion metroje u përmbytën.
Shkollat janë mbyllur pasi priten reshje të tjera të dendura shiu.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
