DASH bën me dije se shpalljet “non grata” dhe sanskaionet do të jenë një mjet që do të vijojë të përdoret në Ballkanin Perëndimor, sa i takon zyrtarëve të akuzuar për korrupsion.
Pas shpalljes “non grata” të Prokurores së Shtetit në Bosnjë Hercegovinë, ka pasur një deklaratë për media nga zëdhënësi i DASH Ned Price.
Ndër të tjera, në deklaratë ai thotë:
Pra, një nga qëllimet tona kur bëhet fjalë për Ballkanin Perëndimor është të punojmë me qeveritë dhe të punojmë me njerëzit e rajonit për të targetuar dhe çrrënjosur korrupsionin. Dhe sanksionet janë një mjet i rëndësishëm për ta bërë këtë. Ne e shpallëm ‘non grata’ dhe Thesari njoftoi sanksionet këtë mëngjes ndaj një prokurore të përgjithshme të shtetit e cila ishte përfshirë në akte korrupsioni. Ne kemi dhënë informacion në atë deklaratë. Thesari mund të ketë informacion shtesë në lidhje me bazën për atë përcaktim. Dhe sanksionet do të mbeten një mjet i rëndësishëm, jo i vetmi, por një mjet i rëndësishëm, kur bëhet fjalë për rajonin dhe kur bëhet fjalë për qëllimin tonë, qëllimin që ne ndajmë me qeveritë dhe njerëzit në rajon, për çrrënjosjen e korrupsionit”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
