Një tren në Itali përplasi për vdekje pesë punëtorë që po punonin në shina në zonën e Torinos. Dy të tjerë shpëtuan mrekullisht.
Aksidenti ka ndodhur, pak pas mesnate në afërsi të stacionit hekurudhor të Brandizzo-s. Treni po udhëtonte me 160 kilometra në orë.
Mes viktimave, më i riu ishte 22 vjeç. Punëtorët po kryenin punë mirëmbajtjeje në stacion kur u përplasën dhe tërhoqën zvarrë me qindra metra.
"Rfi shpreh dhimbje të thellë përballë asaj që ndodhi dhe shpreh ngushëllimet dhe afërsinë e saj me familjet e punëtorëve të vdekur", thuhet në një shënim nga rrjeti hekurudhor italian (Rfi), i cili shpjegon se "puna e mirëmbajtjes ishte duke u zhvilluar pjesë e një kontraktori të jashtëm dhe se një tren jo në shërbim komercial goditi disa punëtorë. Pesë prej tyre, konfirmohen janë të vdekur".
Është një qendër e banuar fushore në zonën verilindore të kryeqytetit, gati njëzet kilometra larg. Brandizzo është i rrethuar në jug nga lumi Po dhe në lindje nga përroi Malone.
Një pjesë e territorit të saj është pjesë e Parkut Po Torino. Linja hekurudhore Torino-Milano, ajo në të cilën ndodhi aksidenti, e përgjysmon qytetin horizontalisht, ndërsa autostrada A4 Torino-Milano kalon në zonën veriore, së bashku me hekurudhën e shpejtësisë së lartë.
Kryetari i bashkisë Brandizzo, Paolo Bodoni reagoi për ngjarjen e rëndë: “Është një tragjedi. Nuk mund të përjashtohet që mund të ketë qenë një gabim komunikimi, në çdo rast do të duhet të pritet përfundimi i hetimeve. Për momentin nuk dihet identiteti i viktimave, por nuk janë bashkëqytetarë tanë”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
