Ish-anëtari i Këshillit Kombëtar të PD, Edvin Kulluri, deklaroi në emisionin “Arnautistan” në MCN TV se Grupi për Rithemelimin e PD e ka tradhtuar vullnetin e delegatëve të Kuvendit të 11 dhjetorit. Kulluri pranoi se përgjegjësinë më të madhe për situatën e ka Grupimi për PD-në, ku ai bënte pjesë, që sipas tij u var në shpatullat e Berishës.
Jemi shumë larg nxjerrjes së partisë nga kriza. PD është pa projekt politik. Është një garë për kontroll, jo për ringritjen e PD-së. Nuk i afrohemi akoma 50 përqindjes së pjesëmarrjes. PD kërkon fokusim. Nga pikëpamja institucionale PD është e kapur, nuk është e lirë. Berisha dhe anëtarët e Komisionit të Grimit janë atje për protagonizmin e z.Berisha. Këta kanë tradhtuar vullnetin e delegatëve realë në 11 dhjetor dhe në referendum, duke vepruar ndryshe nga angazhimi që morën. Në mbledhje flet z.Berisha, ke dëgjuar ndonjë nga ata të thonë ndonjë fjalë?! A kanë ndonjë zyrë këta në PD? Jo. Përgjegjësinë më të madhe për situatën në PD, nuk e ka z. Berisha, as atë që u bënë kundërshtarë të Bashës brenda natës, këtu përgjegjësinë më të madhe e ka Grupimi për PD-në. U varëm në shpatullat e z.Berisha që ka karizmën që i tundon. Ne kemi propozuar një projekt konservator që u votua kundër nga z.Berisha. E votuan për herë të dytë kundër duke votuar për z.Basha”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
