Si Izraeli ashtu edhe Shtetet e Bashkuara janë fajtorë për sulmin e ushtrisë izraelite në spitalin më të madh të Gazës, sipas një deklarate nga Hamasi.
Bastisja në spitalin Al-Shifa gjithashtu përbën një dështim të Kombeve të Bashkuara për të mbrojtur palestinezët, tha Hamasi.
“Heshtja e Kombeve të Bashkuara dhe tradhtia e shumë vendeve dhe regjimeve nuk do ta pengojë popullin tonë palestinez të kapet pas tokës dhe të drejtave të tyre legjitime kombëtare”, tha Hamasi.
Hamasi pretendoi se SHBA i kishte dhënë Izraelit, "një dritë jeshile ... për të kryer më shumë masakra kundër civilëve" duke mbështetur atë që e quajti "narrativën e rreme" të Izraelit se Hamasi po përdorte spitalin Al-Shifa si një bazë komandimi dhe kontrolli.
Të martën, Shtëpia e Bardhë dhe Pentagoni thanë se Hamasi po ruan armë dhe po operon një qendër komandimi nga spitali Al-Shifa, duke cituar inteligjencën e sapodeklasifikuar.
Vërejtjet i bënë jehonë pretendimeve të bëra nga Izraeli, të cilat zyrtarët e spitalit palestinez dhe Hamasi i kanë kundërshtuar vazhdimisht.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
