10 qytetarë që ishin prekur nga COVID-19, tashmë kanë rezultuar negativë në dy testet e njëpasnjëshme.
Lajmin e ka ndarë ministrja e Shëndetësisë dhe Mbrojtjes Sociale, Ogerta Manastirliu e cila ka thënë se ata ndodhen në shtëpitë e tyre, ku do të vazhdojnë të jenë të vetizoluar për 14 ditë.
‘Lajm i mirë. 10 qytetarë që ishin prekur nga COVID-19, tashmë kanë rezultuar negativë në dy testet e njëpasnjëshme. Të gjithë ndodhen në shtëpitë tyre, ku do të vazhdojnë të jenë të vetëizoluar për një periudhë 14 ditore. Faleminderit mjekëve për shërbimin”, -thotë Manastirliu.
Ajo i ka bërë apel qytetarëve që ndërsa jemi ende në fillimet e luftës, duhet të bëjmë durim.
‘ Një lutje për të gjithë qytetarët: Jemi ende në fillimet e kësaj lufte, prandaj durim.
Ju ndihmoni mjekët tanë duke zbatuar rigorozisht masat e higjenës dhe distancimit social.
Dhe ata, mjekët, infermierët, sanitarët, punonjësit e shërbimeve mbështetëse, do t’u shërbejnë me të gjithë forcën dhe profesionalizmin, atyre që do të kenë nevojë.
Kështu fitohet kjo luftë. Me durim dhe bashkëpunim’, -thotë ndër të tjera, Manastirliu
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
