Vëllai i një kandidati të opozitës u vra dhe katër persona të tjerë u plagosën në përleshjet midis kundërshtarëve dhe mbështetësve të kryetarit të sapozgjedhur të partisë qeverisëse të një qarku të qytetit në një rajon me mbizotërim kurd në Turqinë juglindore.
Mbështetësit e AK Partisë (AKP) të presidentit Tajip Erdogan u përleshën me mbështetësit e Partisë së opozitës DEVA në lagjen Pervari të qytetit të Siirt të martën mbrëma, pas zgjedhjeve lokale të së dielës, në të cilat opozita performoi mirë në të gjithë Turqinë.
Në rang qarku, kandidati i AKP-së për kryetar bashkie fitoi me 52% të votave, ndërsa kandidati i DEVA u rendit i dyti me 40%.
Zyra e guvernatorit tha se pesë persona ishin lënduar në përleshjet, njëri prej të cilëve nuk u mbijetoi plagëve duke humbur jetën në spital.
Nënkryetari i DEVA-s Mehmet Emin Ekmen e identifikoi personin e vdekur si vëllanë e kandidatit të partisë.
Policia po heton incidentin dhe gjashtë persona u arrestuan, tha zyra e guvernatorit të Siirtit, duke shtuar se kishte vendosur një shtetrrethim në rrethin Pervari deri të enjten në mëngjes për arsye sigurie.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
