Një kujdestar i kopshtit zoologjik në një universitet nigerian është vrarë nga një prej luanëve për të cilin kujdesej për gati një dekadë.
Olabode Olavuyi, i cili ishte në krye të kopshtit zoologjik të Universitetit Obafemi Awolowo (OAU), u sulmua teksa po ushqente luanët.
Kolegët e tij nuk ishin në gjendje ta shpëtonin pasi një nga luanët e kishte plagosur për vdekje, shtoi universiteti në një deklaratë.
Kujdestari i kopshtit zoologjik, një teknolog veterinar, ishte kujdesur për luanët që kur ata lindën në kampus rreth nëntë vjet më parë.
“Por, në mënyrë tragjike, luani mashkull vrau njeriun që i kishte ushqyer”, tha OAU.
Zëvendëskancelari i universitetit, Adebayo Simeon Bamire, tha se u shpreh “i pikëlluar” nga incidenti dhe urdhëroi një hetim të plotë për shkaqet e incidentit.
Udhëheqësi i sindikatës së studentëve të universitetit, Abbas Akinremi, i tha gazetës nigeriane Vanguard se sulmi ishte shkaktuar nga “gabim njerëzor” pasi kujdestari i kopshtit zoologjik kishte harruar të mbyllte derën pasi ushqehej.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
