Si u përzgjodhën mediat në takim me Ismail Kadarenë?

Në të majtë të çiftit Kadare, në takimin e tyre me Klubin Letrar të Kavajës, me praninë e dy medieve dhe mungesën e të tjerave, Alda Bardhyli, si drejtoreshë e Qendrës Kombëtare të Librit dhe Leximit, thotë se diferencimi nuk erdhi nga ajo, por nga Helena dhe Ismail Kadare. Kontradiktore në pohimet e saj, Bardhyli fillimit shprehet se "çifti Kadare nuk donte kamera". Më tej, praninë e vetëm dy medieve e justifikon se "ato mund të kenë fol me Helenën". Për t'i “vënë vulën”, duke iu referuar shkrimtarit u përgjigjet gazetareve se "ai mund të zgjedhë kë të dojë edhe unë nuk mund të ndërhyj". Mirëpo, drejtoresha e Qendrës ende s'u ka kthyer përgjigje medieve për këto dy pyetje të ngritura; 1) Përse nuk njoftoi mediet e tjera, për datën dhe vendin e takimit? Në një kohë që ishin të gatshme të ishin të pranishme edhe pa kamera. 2) Kush i njoftoi dy mediet e tjera, të vetmet të pranishme në atë takim?

Për herë të parë, në 30 vite demokraci, ndodh që një institucion kombëtar i kulturës me Alda Bardhylin në krye,  të sillet si privat, duke mos zbatuar, parimin e barazisë. Per këtë sjellje, që është vetëm maja e ajsbergut ka ardhur koha që të përgjigjet edhe ministrja e Kulturës, Elva Margariti.

Heshtja do të tregonte aprovimin edhe të këtij institucioni, për gjithçka ndodhi.

Takimi u organizua në kuadër të 85-vjetorit të lindjes së shkrimtarit Ismail Kadare.

(Kjo është kërkesa drejtuar zonjës Elva Margariti dhe qëndrimi i përbashkët i gazetarëve të kulturës).

Edona Haklaj (Faxnews)
Valeria Dedaj (Report tv)
Anisa Krraba (Vizionplus)
Egla Xhemali (Syri.net)
Leontina Nika (ABC)
Anila Dedaj ( MCN)